ابوذیه
الدعا والحس اسه لهواه وصــله
اوده ودوم اود طرواه وصــــله
حمه احدوده اووعا ما احد وصـــله
اسد ما وصلو احدوده العـــــــدی
ابوذیه بلانقط لآول مره
مواویل
ماهم انه الحالتی وبحوال صحبی اهم
للی ابوعدهم وفو مایوم خلفو اهم
لوهاج بحر العسر ابقارب یسرهم اهم
حبی سفینه وصفو مرسی لها ومینا
ودهم خمیله وروت من عبین ود مینا
والی اعله خله عتب حتما اله مینا
والی یمرنی بعسر لو بعد عنی اهم
************************
بس یل ردی منهلی آجروحی انه منهلی
تمت وطافح وصبح شط الحزن منهلی
ابایام عمری الگضت مصح ابد منهلی
بسمات فرحه ومضت ایام الی مره
ابگلبی ابد ما لفت بسمه وضحک مره
او لو لحظه لاهی اباحزن الفکر مره
اباطالال اهلی البگت تذکار الی منهلی
******************************************************
یوم الی ظعن الردی گفه ابهلی یل هلی
نادیت غیر الاهل یاهل خلگ یاهلـــــــــی
بس الی مخلص گلب بلود بعد یا هلی
غیره او بچتلی صدگ عینه اودمعها سال
حس بیه وکت الحزن وحساسه عنی سال
ابعسری صفه چف یسرولسیف عزمه سال
او لو ما هلی ما حصل بین الخلگ یاهلی
ابوذیات
المصابی وحالت احزانی لها الای
الیودنی ودمعته سالت لهالای
سحب حزن السمه من هل لهالای
عرف تقلید جفنی الهمل میه
**********************
الهمل لجلی جفن وده ولیسال
محنه وحس حزن گلبی ولیسال
نصرنی ابچف عزم شیمه ولیسال
مرهف ضد وعود الجفو بیه
***********************
اجروحی وکثرت الامی منهلی
غدیت وطفح شط حزنی منهلی
الخذیته یل ردی کافی منهلی
اترکتلی اصلالهم تذکار لیه
********************
شتلی اکتاب حبک بعد شگرا
یبو گذله ابعذابی اصبقت شگرا
ابقفص هجرک محاکم صرت شکرا
ذنب حبک یشع بلوحه لیه
******************
یگلبی لیل جور الهجر ملاک
حزن ویضا خلیلک بعد ملاک
ابارض ماسات حظی اصبحت ملاک
القهر وملکت ضیم الدهر لیه
*********************
یگلبی تفوز یمته ابطیر سعدی
وحس ساعد فرحتی شبگ یعدی
اب اهوه وخلیل السکن سعدی
حن گلبه المحنتی ونقر لیه
*****************
شصبر بعد اخوی الراح شلها
وهو اهموم الصدیج ابضیج شلها
بحر صبری ابصدوده صبح شلها
اوترکلی اهموم فگده ئاوگطع فیه
***********************
احباب الچانو ابگربی یسعدون
کثره ودوم لحزانی یسعدون
قاسی امصابی ابفگدک یسعدون
جرحنی وزاد همی اهموم لیه
*******************
احس من نار بعدک صار شیب
مهجتی وگلبی گبل الراس شیب
گلت للی سآل فرگاک شیب
گلتله اییب ضیم السهرلیه
********************
دمع دم دوم سیل العین سلما
طفت ناری وصلها صعب سلما
الآحبه حب نحل للورد سلما
سئل من شوگه شب نیران بیه
*****************
اشوف امنل الحبایب کثر میتین
صفوولیمشی منهم ابد میتین
یاهو العد جروحی وگال میتین
ابکثر خوص النخیل الراح لیه
**********